بلوچستان لبریشن پرنٹ ءِ جارکش میجر گھرام بلوچ ءَ ماں رسانکدر ءَ وتی شنگ کرتگیں درشانے ءَ گوشتگ که بی ایل ایپ ءِ سرمچاراں مرچی 11 مارچ ءِ سھب ءِ ادار ھپت ءَ کیچ ءِ ھند بلیده ، میناز ءَ زورگریں پاکستانی لشکر ءِ سے گاڑیانی کاروانے گوں چیرکرتگیں شورھاں نشانگ کرتگ. سرمچاراں کاروان ءِ پشت ءِ گاڑی گوں چیرکرتگیں بمب ءَ نشانگ کرتگ که آئی ءَ ھپت کارمند سوار بیتگ، تراک ءِ آسر ءَ لشکر ءِ گاڑی سرجم ءَ تباه بیتگ ءُ سواریں ھپت کارمند سرجم ءَ مرتگ اَنت۔
جارکش ءَ گوشتگ کہ ارش ءَ پد زورگریں لشکر ءَ وتی مرتگیں کارمندانی لاش زرگ اَنت ءُ زوت دیم پہ بنجل ءَ شتگ۔
آئی ءَ گوشتگ که دگه یک اُرشے ءَ 10 مارچ ءَ شپ ءِ ادار یازده ءِ نزیک ءَ بی ایل ایپ ءِ سرمچاراں ھزدار ءِ ھند وڈ ءَ کلی سالھ مھمد ءَ پولیس چوکی ءِ انگر کرتگ ءُ ساڑی ئیں سے پولیس کارمندانی سرکاری سلاه گپتگ اَنت ءُ آ بلوچ بوگ ءِ سوب ءَ گوں شرپ ءَ یل کرتگ اَنت.
جارکش ءَ گوشتگ که بلوچستان ءِ میتگ ءُ کوچگاں سک باز لیویز ءُ پولیس تھانه برجاه دارگ ءُ آیانی ته ءَ سلاه درپ کنگ بیتگ که ایشی مول ءُ مراد جنگی جاوراں پاکستانی لشکر ءِ آسراتی دیگ ءُ سرمچارانی بگیری ءَ کارمرز کنگ اِنت. زورگریں ریاست بلوچاں گوں کار دیگ ءِ لُب ءَ سرمچارانی دیم ءَ اوشتارینگ ءِ جھد ءَ کنگ ءَ اِنت، ما یکبرے پد ءَ رسانکدر ءِ پارست ءَ بلوچستان ءَ لیویز ءُ پولیس چوکیاں ساڑی ئیں بلوچ کارمنداں کڈن کن ایں که چه بلوچ سرمچارانی نیمگ ءَ انگر کنگ ءِ میان ءَ چه گھگیری ءَ پھریز به کن اَنت که اِے په بلوچ راج ءَ شرے اِنت۔
میجر گھرام ءَ اُرشانی زمه واری من اتگ ءُ گوشتگ که داں بلوچستان ءِ آجوئی ءَ پاکستانی لشکر ءُ نیم لشکری ادارھاں ھوار شوربندی پروجکٹانی نشانگ کنگ ءِ جھد ءَ کن ایں۔
