بلوچ لبریشن آرمی ( بی ایل اے ) ءِ جارکش جیھند بلوچ ءَ ماں رسانکدر ءَ وتی شنگ کرتگیں درشانے ءَ گوشتگ کہ بی ایل اےءِ سرمچاراں جاپر ایکسپریس ءِ دستیگ کنگ ءَ پد برجاھیں گھگیری ءِ میان ءَ182 دزگیر بیتگیں وتی بندیگ کرتگ اَنت۔ اے آپریشن ءَ داں انوں یازدہ پاکستانی لشکر ءِ کارمند کشتگ، یک ڈرونے ھم جتگ ءُ دور داتگ ءُ بی ایل اے ءِ سرمچاراں داں انوں جاپر ایکسپریس سرجم ءَ دستیگ کرتگ۔
آئی ءَ گوشتگ کہ بی ایل اے دیمتر ءَ تچک کنت کہ بندیگیں مردمانی تہ ءَ پاکستانی لشکر، پولیس، آئی ایس آئی ءُ اے ٹی ایپ ءِ کارمند ھوار اَنت کہ وتی موکلاں روگ ءَ بیتگ اَنت۔ لس شھری کہ جنین، زھگ، نادراہ ءُ لس بلوچ چہ مھکمیں راھاں کش اتگ اَنت۔
جارکشءَ گڈی ءَ گوشتگ کہ بی ایل اے دیمتر ءَ تچک کنت کہ اگاں لشکرکشی کرت گڑا درسیں دزگیر بیتگیں مردم کشگ بنت۔ بی ایل اے مجید برگیڈ، ایس ٹی او ایس، پتے اسکواڈ ءُ زراب یونٹ ءِ جنگول ھمے آپریشن ءِسروکی ءَ کنگ ءَ اَنت ءُ اگاں چونیں لشکری کاروئی کنگ بوت آئی پسو گوں ترندی ءَ دیگ بیت۔
