بلوچ لبریشن آرمی ءِ جارکش جیھند بلوچ ماں رسانکدر ءَ وتی شنگ کرتگیں درشانے ءَ گوشتگ کہ بی ایل اے ءِ سرمچاراں جاپرایکسپریس ءِ دستیگ کنگ ءَ پد زورگریں لشکر ءِ زمینی کاروائی سرجم ءَ پدکنز کرتگ، ترندیں میڑاں پد پاکستانی زمینی لشکر پہ پدکنز کنگ ءَ لاچار کرتگ، انگت ءَ پاکستانی ھیلی کاپٹر ءُ ڈرون بمبگواری کنگ ءَ اَنت۔
آئی ءَ گوشتگ کہ بی ایل اے گوں تچکیءَ کڈن کنت کہ اگاں برزی ارش زوت نہ داشت گڑا درسیں سدءَ چہ گیش بندیگ گوستگیں یک ادارے ءِ میان ءَ کشگ بنت۔ اے کاروائی ءَ بی ایل اے مجید برگیڈ، ایس ٹی او ایس، پتہ اسکواڈ ءُ زراب یونٹ ءِ سرمچار شریں وڑے ءَ پسھی کاروائی کنگ ءَ اَنتءُ چونیں ھم لشکری دزمانجنی ءِ آسر گنتر بیت۔
جیھند بلوچ ءَ گوشتگ کہ دژمنیں لشکر ءِ سد ءَ گیش کارمند داں انوں بی ایل اے ءِ بندیگ اَنت۔ زورگریں لشکر ءِ کِر ءَ انوں ھم وھد ھست کہ وتی برزی بمبگواری ءَ بند بہ کنت ءُ وتی لشکری کارمندانی زندگیاں بہ پھریز ایت اگاں نہ درسیں بندیگانی کوش ءِ زمہ واری پاکستانی لشکر ءِ سر ءَ بیت۔
