بلوچ یکجھتی کمیٹی ءِ سروک ڈاکٹر ماہ رنگ بلوچ ءَ ماں رسانکدر ءَ انوگیں زوریں بیگواھیانی بابت ءَ وتی درشانے ءَ گوشتگ کہ پاکستان ریاست ءَ بلوچستان ءَ بلوچانی ھلاس کنگ ءِ سوڑگ کرتگ، تیوک ءَ گوستگیں روچ ءَ 41 مردم زور بیگواہ کنگ بیتگ اَنت۔ آیانی تہ ءَ اشپاک ھم ھوار اِنت، آئی برات شھزاد بلوچ 2022 ءَ پیسر ءَ دروگیں میڑے ءَ کشگ بیتگ۔ آئی ءِ بگیری ءَ کھول بی وائی سی ءِ ھمراھی ءَ داں 55 روچ ءَ شال ءَ ریڈزون ءَ زھرشانی ءَ نشتگ اَت۔
آئی ءَ گوشتگ کہ اے وھد ءَ زوربیگواھیں مردمانی کھولانی نیمگ ءَ کراچی شال شھدگ ءَ سے جاہ ءَ زھرشانی برجاہ اِنت۔ من بلوچ راج ءِ گون ءَ لوٹ ءَ کن آں کہ آ زھرشانی نندانکاں بھر بزور اَنت۔
