کلات: زور گریں پاکستانی لشکر ءُ چیریں ادارھانی کارمنداں جتا جتائیں جاھاں بیڑ برتگ ءُ باز مردم آوار جتگ ءُ بیگواہ کرتگ ۔
بنشون ءِ رد ءَ بیگواھیں مردمانی تہ ءَ اشپاک ء ھدا بکش ھم گوں اِنت۔ زورگریں لشکر ءَ دوشی ءُ مرچی باز جاہ ءَ بیڑ برتگ ءُ مردم آوار جتگ ءُ بیگواہ کرتگ اَنت۔
اے بابتءَ بیگواھیں مردمانی کھولانی گوشگ اِنت کہ مرچی تھتگ بند ھرتال ءِ ھواری ءَ شھدگ ءَ ھم بند کن ایں۔ مرچی پریس کانپریس کن ایں ءُ وتی آھوکیں گامگیج ءِ جار ءَ جن ایں۔
آیاں گوں کِر ءُ کشانی ھندانی مردماں لوٹ کرتگ ءُ گوشتگ کہ زور بیگواھیں مردمانی کھولانی گون ءَ کمک بہ کن اَنت ءُ زوریں بیگواھی ءِ بگیری ءَ توار چست بہ کن اَنت۔
