بلوچ وومن پورم ءَ وتی شنگ کرتگیں درشانے ءَ گوشتگ کہ گل ءَ مرچی چہ آواران، مشکے ءَ زور بیگواھیں چار ورنایانی لاش ءِ دزکپگ ءَ بژن اِنت ۔ آیانی نام کامران الیم، مھراج نیاز، مومن اسلم ءُ سیپ لتیپ اِنت۔
آئی ءَ گوشتگ کہ مارا ھمے سال ءَ 27 پروری ءُ 1 مارچ ءَ مرچیگیں گوں شھید بیتگیں مردماں ھوار آوار جتگیں دگہ پنچ مردماں ترس اِنت کہ آ ریاست ءِ کِر ءَ درکانودی بندیگ اَنت۔ دزگیر بیتگیں مردمانی تہ ءَ سپدر انایت، زھیر نیاز،کمردین دوستین، وژدل کادر ءُ دوستین کادر ھوار اَنت۔
آئی ءَ گوشتگ کہ بلوچستان ءِ جاور چه ریاستی ادارھانی نیمگ ءَ پہ زانت وتی گیشیں مالی نپاں انچوش کنگ بیتگ اَنت۔ آ سیاسی، مالی یا لشکری بہ بنت۔ ما ریاستی ادارھاں ھمے کلوہ دیگ لوٹ ایں کہ آ کم چہ کم وتی راھبند ءِ ھیالداری ءَ بہ کن اَنت، انسانی ھکانی میان استمانی ٹولیانی گون ءَ لوٹ کن ایں کہ آ انسانی بنیاد ءَ پہ بلوچ چکچینی ءِ دارگ ءَ دزمانجنی بہ کن اَنت۔
