ھب چوکی: پولیس ءَ بازیں کچے ءَ بوانی ءَ زور بیگواھیں مردمانی کھولانی نیمگ ءَ برجاھیں زھرشانی نندانک ءَ بیڑ برتگ ءُ زور بیگواھیں مردمانی کھولاں ھوار بازیں کچے ءَ مردم دزگیر کرتگ اَنت۔
بنشون ءِ رد ءَ پولیس ءَ ھمے میان ءَ زھرشانی کنوک لٹ شاپ کرتگ اَنت جنین ءُ زھگاں ھوار بازیں کچے ءَ مردم ٹپی بیتگ اَنت۔ پولیس ءَ بیڑ برگ ءِ میان ءَ زھرشانی کنوکانی سر ءَ تیرگواری ھم کرتگ۔
پولیس ءِ دزگیر بیتگیں مردمانی تہ ءَ سیما بلوچ، ماہ زیب بلوچ، پرزانہ بلوچ، سمیرا بلوچ، نرگس بلوچ، امیرہ بلوچ، بیگواھیں زپر بلوچ ءِ مات، کرم ھان بگٹی، زپر گیشکوری ءِ مات ھم ھوار اَنت۔
چہ پولیس ءِ زوراکیاں ابید بی وائی سی ءِ سروک پوزیہ بلوچ ءُ آدگہ مردماں زھرشانی نندانک برجاہ داشتگ۔
