کیچ: تمپ ءَ پاکستانی لشکر ءُ چیریں ادارھانی دست ءَ زور بیگواہ کنگ بوتگیں دگہ ورنایے پجارگ بوتگ۔
اھوالکار ءِ رد ءَ زور بیگواہ کنگ بوتگیں ورنا ءِ نام جاسم ء مھمد بکش اِنت کہ دازن ءِ جھمنند اِنت۔ زورگریں پاکستانی لشکر ءَ دوشمبے ءِ بیگاہ ءَ چہ دازن ءِ لیب جاہ ءَ آوار جتگ ءُ بیگواہ کرتگ۔
مرچی دازن ءَ پاکستانی لشکر ءِ دست ءَ بیگواہ کنگ بوتگیں یک ورنایے ھسن ء آسپ ءِ نام ءَ زانگ بوتگ اَت۔ اے دومی ورنا اِنت کہ بیگواہ کنگ بوتگ۔ انچوش گوشگ بوگ ءَ اِنت کہ دگہ باز مردم آوار جنگ بوتگ، اے بارو ءَ مئے گیشیں جست ءُ پرس برجاہ اِنت۔
