تربت: بھمن ءَ پاکستانی لشکر ءِ دست ءَ آوار جنگ بیتگیں مردمانی کھولاں یکبرے پد ءَ ڈی بلوچ ءَ ایم 8 شھدگ بند کرتگ ءُ زھرشانی ءَ نشتگ اَنت.
بنشون ءِ رد ءَ برجاھیں زھرشانی ءَ زوربیگواھیں نومان رپیک، اسماھیل ھیرمھمد ءُ نئیم بشیر ءِ کھول ھوار اَنت. آیاں ڈی بلوچ ءَ شھدگ بند کرتگ ءُ وتی مردمانی زوریں بیگواھی ءِ بگیری ءَ زھرشانی کنگ ءَ اَنت۔
کھولانی گوشگ اِنت که ما چه ایشی ءَ پیش ھم په وتی زھگانی یل کنگ ءَ جتائیں وھداں زھرشانی کرتگ ءُ انتزامیه ءَ آیانی یل کنگ ءِ مارا دلجمی داتگ که چه ایشی ءَ ما وتی زهرشانی هلاس کرتگ، بلے آ انگت بیگواه انت۔ ما یکبرے پد ءَ لاچار اِیں که په زھگانی آجوئی ءَ زھرشانی به کن اِیں.
