تربت: پاکستانی لشکر ءِ دست ءَ زوربیگواھیں دین جان ءِ کھول ءَ ھوار آدگه بیگواھیں مردمانی کھولاں تربت ءَ ڈی بلوچ ءَ زھرشانی کرتگ ءُ شھدگ بند کرتگ.
زھرشانی کنوکانی گوشگ اِنت که ما چه ایشی ءَ پیش ھم په دین جان ءُ آدگه بیگواھیں مردمانی آجوئی ءَ زھرشانی کرتگ، انتزامیه ءَ مئے گون ءَ کول کرتگ ءُ دلجمی داتگ که آ یل کنگ بنت، ما وتی زھرشانی ھلاس کرتگ بلے آ یل کنگ نه بیتگ اَنت. ھمے سوب ءَ ما یکبرے پد ءَ زھرشانی کنگ ءَ لاچار بیتگ اِیں.
کھولاں گوشتگ دانکه دین جان ءُ آدگه زوربیگواھیں مردمانی یل کنگ نہ بنت مئے زھرشانی برجاہ بیت۔
