آواران؛ چہ جتائیں جاھاں دو براتاں ھوار پنچ ورنا آوار جنگ ءُ بیگواہ کنگ بیتگ۔
بنشون ءِ رد ءَ زور بیگواہ کنگ بیتگیں ورنایانی نام اتا اللہ ء گاجی ھان، ھبیب اللہ ء گاجی ھان، آزم ھان ء کاسم ھان، ھپیز ء کاسم بلوچ ءُ جاوید بلوچ ء گلام جان اِنت۔ پاکستانی لشکر ءَ اتا اللہ زی چہ رھواٹ مشکے ءَ آوار جتگ ءُ آئی ءِ براس ھبیب اللہ مرچی چہ رھواٹ ءَ آوار جنگ بیتگ۔ آزم ھان ء کاسم ھان ءُ ھپیز ء کاسم بلوچ مشکے ءِ جاہ منند اَنت که مرچی پاکستانی لشکر ءَ چہ آواران ءَ آوار جتگ ءُ بیگواہ کرتگ اَنت۔
ھمے وڑ ءَ جاوید ء گلام جان مشکے تنک شردوئی ءِ جاہ منند اِنت که پاکستانی لشکرءَ آ پریری چہ ڈگار ءِ سر ءَ آوار جتگ ءُ بیگواہ کرتگ ءُ انگت بیگواہ اِنت۔
