بلوچستان لبریشن پرنٹ (بی ایل ایپ) ءِ جارکش میجر گھرام بلوچ ءَ ماں رسانکدر ءَ وتی شنگ کرتگیں درشانے ءَ گوشتگ کہ 27 پروری ءِ بیگاہ ءِ ادار سَے ءُ چِل ءَ بی ایل ایپ ءِ سرمچاراں کیچ ءِ بنجاھی شھر تربت ءَ بالی پٹ ءَ پترگ ءِ دروازگ ءَ برجاھیں پاکستانی لشکر ءِ چوکی ءِ سر ءَ گوں گرنیڈ لانچر ءَ اُرش کرتگ۔
آئی گوشتگ کہ سرمچاراں اے اُرش ھما وھد ءَ کرتگ کہ دژمنیں لشکر ءِ کارمند بازیں کچے ءَ ساڑی بوتگ اَنت۔ اُرش ءَ پد زورگریں پاکستانی لشکر ءَ مدامی وڑ ءَ میتگانی سر ءَ تیرگواری کرتگ۔
جارکش ءَ اُرش ءِ زمہ واری من اِتگ ءُ گوشتگ کہ ما گوں لس مردماں لوٹ کن ایں کہ گوں دژمن ءَ جنگ ءِ میان ءَ وت ءَ بہ پھریز اِت۔
