کراچی: ملیر ءَ گوستگیں روچ ءَ بلوچ یکجھتی کمیٹی ءِ جار ءِ پد ءَ زھرشانی روانک ءَ ھواریں مردمانی بگیری ءَ ایپ آئی آر نبیسگ بوتگ۔
ملیر شراپی گوٹ پولیس بنجل ءِ ایس ایچ او مھبوب الاھی ءِ نیمگ ءَ ایپ آئی آر نبیسگ بوتگ کہ یک شمبے ءِ روچ ءَ بلوچ یکجھتی کمیٹی ءِ نیمگ ءَ زھرشانی کنوکاں موکل نہ گپتگ ءُ مچ بوتگ اَنت زھرشانی کنگ ءِ ھواری ءَ لوڈ اسپیکر کامرز کنگ بوتگ۔
آئی ءَ دیمتر ءَ گوشتگ کہ زھرشانی کنوکاں سرکار ءِ بگیری ءَ گپ جتگ ءُ بلوچی ءُ اردو زبان ءَ اوگام جتگ۔ ایپ آئی آر ءِ تہ ءَ پانزہ سد مردمانی نام ھوار اِنت۔
یات بہ بہ اِت کہ چہ ایشی پیش بلوچستان ءِ بازیں شھراں، سند ءُ پنجاپ ءَ بلوچ چکچینی ءِ بگیری ءَ زھرشانی کنوکیں مردمانی بگیری ءَ ایپ آئی آر کنگ بوتگ۔
