بلوچ رجدوستیں سروک ءُ زور بیگواھیں استاد واھد کمبر ءِ جنک شاری کمبر بلوچ ءَ ماں چاگردی رسانکدر ایکس ءَ نبشتگ کہ پت ءِ مھر چہ جھان ءِ درسیں بے مٹ ءُ گرانکدریں مھراں یکے چہ ایشی ءَ مارا ریاست ءَ زبھر کرتگ۔ منی پیریں پت ریاست ءَ چہ بلوچستانءَ کشگ ءَ لاچار کرتگ، پمیشکا کہ آ چہ زندان ءَ یل کنگ بیتگ گڑا سکا تنگ کنگ بیتگ۔ منی پت ایران ءَ الاج ءَ بیتگ کہ چہ ھمود ءَ پہ زور ریاستی ادارھاں آوار جتگ۔
آئی ءَ گوشتگ کہ اے ریاست پاکستان زانت واھد کمبر کے اِنت ءُ بلوچ راجی زرمبشت ءِ تہ ءَ آئی کد چے اِنت۔ ریاست واھد کمبر ءَ آوار جنت بلے لیکہ مئے دروشم ءَزندگ اِنت۔ بلوچ راج واھد کمبر ءِ لیکہ ءَ کار بہ کنت ءُ چہ اے زوراکیاں وتی جان ءَبہ رکین ایت۔
شاری کمبر ءَ گوشتگ کہ منی پت ءَمارا مدام گوشتگ کہ انسان انچیں کار بہ کنت چہ آئی ءَ درساں نپ بہ رس ایت۔ آئی مول راجی نپانی ھبر کنگ بیتگ۔ پہ پت ءَ چہ راج ءَ دیم ءَ کس نہ بوتگءُ بلکیں نوں پہ مھلب ءُ شاری ءَ ھم چہ راج ءَ دیم ءَ کس نہ بیت۔
