بلوچ وومن پورم ءِ بنجاھی جارکش ءَِوتی شنگ کرتگیں درشانے ءَ گوشتگ کہ بلوچ وومن پورم شال ھنکین ءِ آرگنائزنگ باڈی دیوان ھنکین ءِ ڈپٹی آرگنائزر سلتانہ بلوچ ءِ سروکی ءَ برجم دارگ بوتگ ،دیوان ءِھاسیں مھمان بُنجاھی آرگنائزر ڈاکٹر شلی بلوچ بوتگ ءُ گچینی مھمان بُنجاھی ڈپٹی آرگنائزر ھنیپہ بلوچ بوتگ۔ دیوان ءِ بُن گپ بنجاھی سرکلر، ھنکین رپورٹ، شرگداری،گل ءِکار ءُ آؤکیں گامگیج بوتگ۔
گل ءِ کار ءِ بنگپ ءَ سنگتاں تران کنان ءَ گوشتگ کہ بلوچ زالبول چاگردےءِ نپجاہ درسد جوڑ کنت گڑا الم اِنت کہ بلوچ زالبول ءِ سر ءَ کار کنگ بہ بیت ءُ بلوچستان ءِ زالبول گوں لوگ ءُ کوچگاں گوں بندوک اَنت گڑا پما الم اِنت کہ کوہ ءُ کوچگانی زالبولاں politisize بہ کنیں چیا کہ ایش ھما مردم اَنت کہ ایر دست اَنت ایش ھما مردم اَنت کہ جنگ پہ چم ایش دیستگ وتی لوگ ایش بن گرگ ءَ دیستگ اَنت گڑا چُشیں مردم دستگرگیاَنت ءُ وتی ھمراه کنگی اَنت۔
دیمتر ءَ سنگتاں تران کنان ءَ گوشتگ کہ گل ءَ باسک مھکم کن اَنت گڑا باسک ءِ تہ ءَ زمداری ءِ مارشت بوگ المی اِنت چیا کہ باندا روچ ھمیش باسک اَنت کہ گل ءِ زمدار جوڑ بنت۔
سنگتاں ھندی ءُ میان اُستمانی سیاسی جاورانی سرا گپ کنان ءَ گوشتگ کہ مروچی بلوچ وانندگیں سراں چار راھانی سرا شھید کنگ ءُ کشندہ ٹولی ءِ دست ءَ بلوچ زالبولانی بیگوا کنگ،بلوچ چاگرد ءَ ھوار میان استمانی انسانی ھکانی گلانی بے تواری یک بژن ءِ گپے۔ مروچی دنیا ءِ راجکاری ءِ تب گوں ٹرمپ ءِ بیان ءَ پدر بوان اِنت کہ ٹرمپ انڈیا ءُ روس ءِ گوما نزیکی ءُ یوکرین ءِ جنگی کمک ءِ بند کنگ ءِ جار ،پانامہ کنال ءِ واتر وتی کنگ ءِ جار ، گرین لینڈ ءُ گلپ آپ میکسیکو ءِ ڈیمانڈ کنگءَ ھوار پاکستان ءِ BALISTIC PROJECT آنی سر ءَ پابندی ھمیش پدر کنت کہ ٹرمپ ھچ پیم ھچ ملک ءَ گوں چائنہ ءِ نزیکی ءَ وش نہ کنت ءُ بلوچستان ءِ راجکاری ءِ سرءَ دنیا ءِ توانمندانی شوندات چے سان دور دینت دری توانمدانی گامگیجاں گوں دیمتر ءَ زانگ بیت۔
آوکیں گامگیج ءِ تہءَ بلوچ وومن پورم شال ھنکین ءِ آرگنائزنگ باڈی جوڑ کنگ بوتگ، ھنکین ءِ آرگنائزر اِرم بلوچ ، ھنکین ءِ ڈپٹی آرگنائزر سلتانہ بلوچ ، ھنکین ءِ آرگنائزنگ کمیٹی ءِ باسک ، ڈاکٹر سُمیہ بلوچ ، شاری بلوچ ءُ تانیہ بلوچ گچین کنگ بوت اَنت۔
