گوادر: چار روچ پیش چہ جمیڑی ءِ میتگ پاوان ءَ پاکستانی لشکر ءِ دست ءَ زور بیگواہ کنگ بیتگیں ورنا ھسرت ءِ کھول ءَ آئی یل نہ کنگ ءِ بگیری ءَ پانوان ءَ زھرشا نی ءَ شھدگ بند کرتگ۔
چہ زھرشانی جاہ ءَ زور بیگواھیں ھسرت ءِ کھول ءِ گوشگ اِنت کہ ھسرت برکت پاکستانی لشکر ءَ چار روچ پیش آوار جتگ ءُ بیگواہ کرتگ کہ انگت ءَ آئی ھچ وڑیں ھال نیست۔ ما نزور ءُ تنگ دستیں مردم ایں مارا دگہ ھچ آسر ءَ نیست۔ ھسرت مئے گس ءِ والینوک بیتگ۔
آئی ءَ گوشتگ دانکہ ھسرت آجو کنگ نہ بیتگ ما وتی زھرشانی ءَ برجاہ دار ایں۔
