بلوچ نیشنل موومنٹ ءِانسانی ھکانی ادارہ پانک ءَ ماں چاگردی رسانکدر ایکس ءَ تمپ ءَ پاکستانی لشکر ءِ جوڑ کرتگیں کشندہ ٹولی ءِ کارمندانی دست ءَ کریم بلوچ ءِ ناھکیں کوش ایر جتگ ءُ گوشتگ کہ لھتیں روچ پیش مھراج بلوچ ءِ کوش ءُ مرچی کریم بلوچ ءِ درکانودی کوش دمگ ءِ تہ ءَ برجاھیں زوراکیانی بابت ءَ سکا بژنیگ کن اَنت۔
آئی گوشتگ کہ ریاستی کشندہ ٹولی ءِ کارمندانی نیمگ ءَ مردمانی مدام نشانگ کنگ بنکی انسانی ھکّانی بگیری اِنت۔ اے زوت ھلاس کنگ بہ بیت ءُ سرکار پہ شھریانی پھریزگ ءَ دلجمی بہ دنت۔
آئی گوشتگ کہ پانک گوں بلوچستان ءِ مردماں یکجاہ اوشتاتگ ءُ دمگ ءِ پہ انساپ ءُ جست گرگ ءُ زوراکیانی ھلاسی ءِ لوٹ ءَ کنت۔
