بلوچستان لبریشن پرنٹ ءِ جارکش میجر گھرام بلوچ ءَ ماں رسانکدر ءَ وتی شنگ کرتگیں درشانے ءَ گوشتگ که سرمچاراں 19 پروری ءِ شپ ءِ ھپت ءُ نیم ءَ گوادر مونڈی ءَ زورگریں پاکستانی لشکر ءِ برجاھیں چوکی ءِ کارمند ھما وھد ءَ نشانگ کرتگ اَنت آ چوکی ءِ دیم ءَ پہ پٹ ءُ پول کنگ ءَ اوشتوک بیتگ اَنت آیانی سر ءَ گوں وتکار ءُ مزنیں سلاھاں اُرش کرتگ که اُرش ءِ آسر ءَ لشکر ءِ دو کارمند ٹپی بیتگ.
جارکش ءَ گوشتگ که دگه یک اُرشے ءَ سرمچاراں نوزده پروری ءِ شپ ءِ ھپت ءُ نیم ءَ تربت ءِ ھند آپسر ءَ مولڈ ریک ءَ برجاھیں زورگریں پاکستانی لشکر ءِ چوکی ءِ سر ءَ گرنیڈ لانچر ءِ باز گولا آس داتگ که گولا نشانگ ءَ لگ اِتگ اَنت ءُ دو کارمند ٹپی بیتگ.
میجر گھرام ءَ اُرشانی زمه واری من اِتگ ءُ گوشتگ که داں بلوچستان ءِ آجوئی ءَ زورگریں لشکر ءُ آئی ءِ شوربندیانی نشانگ کنگ ءِ کول ءَ کن اِیں.
