شال پہ زور بیگواھیں مردمانی پدجنگ ءَ شدکشیں زھرشانی گدان ءَ 5735 روچ سرجم بیتگ۔ چارشمبے ءِروچ ءَ بی ایس او ءِ کارگشاد سمند بلوچ، کبیر بلوچ ءُ آدگہ مردم پہ ھمدردی درشان کنگ ءَ گدان ءَ اتکگ اَنت۔
وی بی ایم پی ءِ کمک سرکماش ماما کدیر گوں مردماں تران کرتگءُگوشتگ کہ وی بی ایم پی پہ زور بیگواھیں مردمانی آجوئی ءُ درکانودی کشگ بیتگیں مردمانی کھولانی گون ءَ انساپ ءِ لوٹ ءَ کنت۔
ماما کدیر گوشتگ کہ بلوچستان ءَ پہ انسانی ھکانی لگتمال کنگ ءَ اے ماہ گنتربیتگ۔ داں انوں شست ءَ گیش زور بیگواہ کنگ ءُ سے درکانودی کشگ بیتگ۔ بلوچستان ءَ دراجکشیں وھدے بیت کہ توار چست کنگ ءَ ایںءُ چہ یکشلیں جھد ءَ ابید انسانی ھکانی لپاشگ کم نہ بیتگ۔ سرکار ءِ اے شوندات ءُ کارپد بے اوست کن اَنت۔
