بلوچستان لبریشن پرنٹ ءِ جارکش میجر گھرام بلوچ ءَ ماں رسانکدر ءَ وتی شنگ کرتگیں درشانے ءَ گوشتگ که سرمچاراں 17 پروری ءَ سھب ءِ ادار ده ءِ نزیک ءَ مشکے ءِ ھند بنڈکی ءَ دگ جوڑ کنوکیں شرکت ءِ پھازداریں لشکری کارمندانی سر ءَ سنائیپر اُرشے کرتگ. اُرش ءَ یک دژمنیں کارمندے جاھی مرتگ، وھدیکه دژمن ءِ کارمنداں سرمچارانی رندگیری کرتگ ءُ وتی کوھنیں کارشونیانی بنیاد ءَ آیانی انگر کنگ ءِ جھد کرتگ بلے سرمچاراں گوں چیرجنگی رپکاں دژمن بے سوب کرتگ. بی ایل ایپ ءِ سرمچاراں پیسر ءَ دژمن ءِ پسھی اُرش ءِ ودار ءَ جتائیں جاھاں سنگر گپتگ ءُ نشتگ اَنت ، دژمن لشکر ءِ پہ انگر ءَ کنگ ءَ آیوکیں دو گاڑیانی سر ءَ ترندیں اُرشے کرتگ ءُ ویگو گاڑیاں سواریں پنچ کارمند جاھی مرتگ ءُ لپٹننٹ کاشپ ءَ ھوار ھپت کارمند ٹپی بیتگ. دومی نیمگ ءَ انگر کنوکیں ٹولی ءِ سے پرپٹ ءَ سواریں ھپت کارمند اُرش ءِ زد ءَ اتکگ ءُ مرتگ اَنت وھدیکه یک پرپٹے ستکگ ءُ آدگه دو پرپٹ ءُ یک گاڑی ءَ سکا تاوان بیتگ.
جارکش ءَ گوشتگ که میڑ ءِ میان ءَ دژمن ءِ بالگرد ھم سر بیتگ اَنت ءُ میڑ دراجکش بیتگ داں چار اداراں برجاه بیتگ. سرمچاراں گوں وتی جنگی ساماناں نہ تیوک ءَ بالگردانی سر ءَ اُرش کرتگ بلکیں پہ وتی پھازداری کرتگ ءُ درآھگ ءَ سوبین بیتگ اَنت.
آئی ءَ گوشتگ که اِے اُرش په پاکستانی لشکر ءَ یاتے که بلوچ سرمچار وتی سرڈگار ءِ سر ءَ ھچ وڑیں زورگر ءَ اوپار کرت نه کن اَنت ءُ اِے جنگ داں ھما وھد ءَ برجاه بیت که بلوچستان آجو به بیت.
جارکش ءَ گوشتگ که اِے اُرش ءِ سرجمیں تامر چه زوت چہ بی ایل ایپ ءِ رسانکدری تندجاه آشوب ءَ شنگ کنگ بیت.
میجر گھرام ءَ اِے اُرشانی زمه واری من اِتگ ءُ گوشتگ که داں بلوچستان ءِ آجوئی ءَ مئے جھد برجاه بیت ءُ اِے کول ءَ کن اِیں که دیمتر ءَ پاکستانی لشکر ءِ سر ءَ اے وڑیں گیشتر اُرش کن ایں۔
