تربت: پاکستانی لشکر ءِ دست ءَ زوربیگواه کنگ بیتگیں شاھجان ءِ کھول ءَ تربت ، ڈی بلوچ ءَ زھرشانی ءَ شھدگ ءِ بند کنگ ءِ جار جتگ۔
کھول ءِ گوشگ اِنت که شاھجان ءِ زوریں بیگواھی ءِ بگیری ءَ ما پیسر ءَ ھم زھرشانی کرتگ بلے انتزامیه ءَ مئے گون ءَ کول کرتگ که آ زوت آجو کنگ بیت ھمے کول ءِ بنیاد ءَ ما وتی زھرشانی ھلاس کرتگ. بلے انتزامیه ءِ وھد مرچی ھلاس بیت ءُ شاھجان انگت بیگواه اِنت۔
کھول ءَ گوشتگ که ما مرچی چه انتزامیه ءِ داتگیں وھد ءِ ھلاس بوگ ءَ پد ءَ ڈی بلوچ ءَ شھدگ ءِ بند کن ایں دانکه شاھجان آجو نه بیت مئے زھرشانی برجاه بیت۔
