پسنی: زورگریں پاکستانی لشکر ءَ چار براتاں ھوار پنچ مردم آوار جتگ۔ یک زوربیگواھیں مردمے آجو بوتگ۔
بنشون ءِ رد ءَ زوربیگواہ کرتگیں مردمانی نام وھید ء مجید، ھپیز ء مجید، وسیم ء مجید، ندیم ء مجید ءُ آسم اِنت کہ پاکستانی لشکر ءَ آوار جنگ ءَ پد بیگواہ کرتگ اَنت۔
زوربیگواہ کرتگیں مردمانی کھولاں چہ انسانی ھکانی ادارھاں پہ وتی مردمانی آجوئی ءَ توار چست کنگ ءِ لوٹ کرتگ۔
دومی نیمگ ءَ چہ پاکستانی لشکر ءِ چیریں آزار جاھاں بیگواھیں الی نامیں ورنایے آجو بوتگ ءُ وتی گس ءَ سر بوتگ۔
