بلوچستان لبریشن پرنٹ ( بی ایل ایپ ) ءَ جتائیں کاروائیانی تامر چہ وتی رسانکدری تندجاہ آشوب چینل ءَ شنگ کرتگ۔
بی ایل ایپ ءِ تامر ءَ دوازدہ اُرشانی کاروائی ھوار اَنت۔ اے اُرش جتائیں وھداں بلوچستان ءِ جتاجتائیں ھند ءُ دمگاں کنگ بیتگ اَنت۔ بی ایل ایپ ءِ جنگولاں کیچ، پسنی، آواران، کولواہ، مشکے، ھزدار، پروم ءُ بارکان ءَ زورگریں پاکستانی لشکر ، دگ جوڑ جنوکیں شرکت ءُ پہ پاکستانی لشکر ءَ راشن بروکیں گاڑی نشانگ کرتگ اَنت۔
اے اُرشانی تہ ءَ پاکستانی لشکر ءِ کاروان ءُ پھازداریں کارمند گوں چیرکرتگیں شورھاں نشانگ کنگ بنت ءُ گوں ایشی ءَ ھوار پاکستانی لشکر ءِ چوکی ءُ کاروانانی سر ءَ گون نوک ءُ وتکاریں سلاھاں اُرش کنگ بیت۔
اے اُرشانی تہ ءَ پاکستانی لشکر ءِ کارمندانی مرگ ءُ آئی شوربندیانی تباہ بوگ شریں وڑے ءَ گندگ بنت۔
