بلوچستان لبریشن پرنٹ ءِ جارکش میجر گھرام بلوچ ءَ ماں رسانکدر ءَ وتی شنگ کرتگیں درشانے ءَ گوشتگ کہ سرمچاراں آواران ءُ کیچ ءَ زورگریں پاکستانی لشکر، پولیس تانہ ءُ لیویز چوکی ھشت جتاھیں کاروائیاں نشانگ کرتگ ءُ کارمندانی سلاہ پل اِتگ اَنت ءُ ریسٹ ھاؤس ءُ موبائل ٹاور مانداشتگ۔
آئی گوشتگ کہ سرچاراں زی ءِ بیگاہ ءِ ادار پنچ ءَ آواران ءِ ھند مالار مچی ءَ برجاھیں پاکستانی لشکر ءِ بنجل گوں ٹوھیں سلاھاں نشانگ کرتگ۔ اُرش ءِ آسر ءَ پاکستانی لشکر ءِ یک کارمندے مرتگ ءُ دو ٹپی بوتگ۔
جارکش ءَ گوشتگ کہ دگہ اُرشے ءَ سرمچاراں شانزہ پروری ءِ شپ ءِ ادار دہ ءَ مَشکے ءِ ھند گجر ءَ برجاھیں زورگریں پاکستانی لشکر ءِ بنجل ءِ سر ءَ گوں راکٹ لانچر ءُ آدگہ نوکیں سلاھاں اُرش کرتگ۔ اُرش ءَ پاکستانی لشکر ءِ باز کارمند مرتگ ءُ ٹپی بوتگ اَنت
آئی گوشتگ کہ اُرش ءَ پد پاکستانی لشکر ءَ آبادی ءِ سر ءَ تیرگواری کرتگ ءُ گوں مردماں زوراکی ءِ نشانگ کرتگ کہ پاکستانی لشکر ءِ پروش ءِ پدّریں منّانک اِنت۔
آئی گوشتگ کہ سرمچاراں پانزہ پروری ءَ مَشکے ءِ ھند گجر ءَ لیویز بنجل ءِ سر ءَ اُرش کرتگ ءُ سرمچاراں لیویز کارمند دزگیر کرتگ ءُ آیانی سلاہ ءُ آدگہ سرکاری سامان پل اِتگ اَنت۔ کارمند کڈن کرتگ ءُ یل داتگ اَنت۔
جارکش ءَ گوشتگ کہ ھمے روچ ءَ مشکے ءَ یک دگہ جاھے ءَ سرمچاراں پولیس تانہ ءِ سر ءَ اُرش کرتگ۔ اُرش ءَ سرمچاراں پولیس تانہ ءِ سر ءَ تیرگواری کرتگ ءُ تانہ تاوان داتگ۔ پولیس کارمنداں تاوان نہ داتگ۔
آئی گوشتگ کہ مَشکے ءِ ھند کلّر ءَ ھم سرمچاراں لیویز چوکی ءِ سر ءَ اُرش کرتگ ءُ اود ءَ ساڑی ایں یک کارمندے ءِ سلاہ پُل اِتگ ءُ کارمند تاوان نہ داتگ ءُ یل داتگ۔
آئی گوشتگ کہ سرمچاراں مَشکے ءِ ھند کلّر ءَ سرکاری ریسٹ ھاؤس ءُ یک یوپون ءِ ٹاورے تیرگواری کرتگ ءُ مشین ءُ سامان مانداشتگ ءُ تباہ کرتگ اَنت۔
آئی گوشتگ کہ یک دگہ اُرشے ءَ سرمچاراں شانزہ پروری ءِ شپ ءَ کیچ ءِ ھند گورکوپ ءَ برجاھیں پاکستانی لشکر ءِ بنجل ءِ سر ءَ گرنیڈ لانچر ءِ باز گولا آس داتگ۔ گولا بنجل ءِ تہ ءَ کپتگ اَنت۔ چہ ایشی ءَ پاکستانی لشکر ءَ جانی ءُ مالی تاوان بوتگ۔
آئی گوشتگ کہ اُرش ءَ پد پاکستانی لشکر ءَ میتگ ءِ سر ءَ ماٹر گولا آس داتگ بلے بلوچ سرمچار پہ سلامتی وتی مھکمیں بنَدْراں سر بوتگ اَنت۔
جارکش ءَ درسیں اُرشانی زمہ واری منّ اِتگ ءُ گوشتگ کہ داں بلوچستان ءِ آجوئی ءُ پاکستانی لشکر ءِ سرجم در آھگ ءَ وتی اُرشانی برجاہ دارگ ءِ کول ءَ کنت۔
