پسنی: پاکستانی لشکر ءِ دست ءَ زور بیگواہ کنگ بیتگیں مردمانی کھولاں پسنی زیروپوائنٹ ءَ مکران شھدگ بند کرتگ۔ زھرشانی ءَ زور بیگواھیں مردمانی کھولاں ھوار لس مردماں بازیں کچے ءَ بھر زرتگ۔
انچوش گوشگ بوگ ءَ اِنت لشکر ءَ پہ زھرشانی کنوکیں مردمانی دارگ ءَ جنین ءُ زھگ لٹ شاپ کرتگ اَنت۔ بلے آیاں وتی زھرشانی انگت ءَ برجاہ داشتگ۔
زھرشانی کنوکیں مردمانی گوشگ اِنت دانکہ مئے مردم آجو کنگ نہ بوتگ اَنت ما وتی زھرشانی ءَ برجاہ دار ایں۔
