شال: زوربیگواھیں جمیل اھمد رند ءُ ابداُلمنان رند ء شربت ءِ برات ایسا ھان آیانی زوربیگواھی ءِ کیس گل ءِ کر ءَ یاداشت کرتگ۔
وی بی ایم پی ءِ سرکماش نسراللہ بلوچ ءَ گوشتگ کہ ایسا ھان ءِ گوشگ اِنت کہ منی برات جمیل اھمد رند اشکرکھن ءِ مزدورے بیتگ ءُ ابداُلمنان رند شال هزارگنجی ءَ گیرج ءِ استادے بیتگ ءُ کار ءَ بیتگ۔ منی دوئیں برات آدینگ ءِ روچ ءَ موکلاں وتی گس ءَ کلی سردار ساتکزئی ، مچ ءَ اتکگ که اَنت که 15 پروری ءَ پاکستانی لشکر ءَ چه گس ءَ آوار جتگ ءُ بیگواه کرتگ اَنت مارا انگت آیانی بابت ءَ ھچ وڑیں ھال دیگ ءَ نہ اَنت۔ آیانی زوریں بیگواھی ءِ سوب ءَ مئے کھول بازیں جنجالانی دیمپان اِنت۔
نسرالله بلوچ ءَ جمیل اھمد ءُ ابدالمنان رند ءِ درکانودی بیگواھی ایر جتگ ءُ چه سرکار ءَ لوٹ کرتگ که آیانی زوریں یبگواھی ءِ بگیری ءَ گامگیج به زور ایت۔ آیانی سر ءَ چونیں میارے ھست آیاں امیدگس ءَ پیش به کنت۔ اگاں آ بے میار اَنت په آیانی یل کنگ ءَ وتی کرد ءَ پیلو به کنت دانکه آیانی کھول چه اے جنجالاں به رک ایت.
