سندھودیش روولیوشنری آرمی ءِ جارکش سوڈھو سندی ءَ ماں رسانکدر ءَ وتی شنگ کرتگیں درشانے ءَ دوشی سیمسری شھر میرپور ماتھیلو ( گھوٹکی ) ءِ نزیک ءَ نیشنل ھائی وے ءَ این ایل سی ءِ ٹینکرانی سر ءَ اُرش ءِ زمہ واری منّ اِتگ۔
جارکش ءَ گوشتگ که پاکستانی ریاست ءَ سند ءِ مڈی ءُ زمین گپتگ، چه سند ءِ دریا ءَ شش جو جتگ ءُ سندی راج ءِ کار ءُ روزگار ءِ تباھی ءَ ھوار چکچینی ءَ کنگ ءِ سْوڑگ ءِ کرتگ۔
آئی ءَ گوشتگ که پنجاپی لشکر ءَ گرین پاکستان انیشیٹوو شوربندی ءِ نام ءَ سند ءِ ھزارانی ایکڑ زمین دستیگ کرتگ۔ ایس آر اے ءَ په سند ءِ ھستمان ءُ پدریچ ءِ رکینگ ءُ اے وڑیں جیڑہ ءُ شوربندیانی بگیری ءَ پیسرا ھم وتی کرد پیلو کرتگ ءُ چه ایشی ءَ پد ھم پہ دیمپانی ءُ پدریچ ءِ جنگ ءَ وتی کرد ءَ پیلو کنت.
سوڈھو سندی ءَ گوشتگ که داں سند ءِ راجی آجوئی ءَ وتی گھگیری جھد ءِ برجاه دارگ ءِ کول ءَ کن ایں.
