بلوچ لبریش آرمی ( بی ایل اے ) ءِ جارکش جیئند بلوچ ءَ مان رسانکدر ءَ وتی شنگ کرتگیں درشانے ءَ جتائیں ارشانی زمہ واری من اتگ ءُ گوشتگ کہ بی ایل اے ءِ سرمچاراں تمپ، مستونگ ءُ پنجگور ءَ سے جتائیں ارشاں زورگریں پاکستانی لشکر ءُ آئی راشن بروکیں گاڑی نشانگ کرتگ اَنت۔
آئی ءَ گوشتگ کہ بی ایل اےءِ سرمچاراں دوشی کیچ ءِ ھند تمپ ءَ زورگریں پاکستانی لشکر ءِ کارمند ھما وھد ءَ سنگر گپتگ ءُ نشانگ کرتگ اَنت ، دژمن ءِ سیزدہ ءَ گیش کارمند پیادگ ءَ روگ ءَ بیتگ اَنت۔
جارکش ءَ گوشتگ کہ سرمچاراں گوں وتکاریں سلاہ ءُ گرنیڈ لانچرءِ گولاھاں دژمن نشانگ کرتگ، ارش ءِ آسر ءَ زورگریں پاکستانی لشکر ءِ ھپت کارمند جاھی مرتگ ءُ کم چہ کم چار کارمندٹپی بیتگ۔ مرتگیں کارمندانی تہ ءَ سے چہ سپائی سدام، سپاھی سمی ءُ بسیر ءِ نام ءَ زانگ بیتگ۔
آئی ءَ گوشتگ کہ ھمے وڑ ءَ مرچی نیمروچ ءَ بی ایل اے ءِ سرمچاراں مستونگ ءَ الیزھی بائی پاس ءَ پاکستانی لشکر ءِ کارمند ھما وھد ءَ نشانگ کرتگ اَنت کہ آ پرپٹانی سر ءَ بنجل ءِ نیمگ ءَ روگ ءَ بیتگ اَنت۔ ارش ءَ سپیر چکوال پنجاپ ءِ جاہ منند سکا ٹپی بیتگ۔
جارکش ءَ گوشتگ کہ دگہ یک کارے ءَ بی ایل اے ءِ سرمچاراں 10 پروری ءَ پنجگور ءِ ھند پروم دز ءَ پہ زورگریں پاکستانی لشکر ءَ راشن بروکیں مزدا گاڑی نشانگ کرتگ اَنت، ارش ءِ آسر ءَ دو گاڑی تباہ بیتگ ءُ ڈرائیور کڈن کنگ ءَپد یل داتگ اَنت۔
