کیچ: چہ تمپ ءَ زورگریں پاکستانی لشکر ءَ دو براتاں ھوار دگہ سے مردم آوار جنگ ءَ پد بیگواہ کرتگ۔
بنشون ءِ رد ءَ بیگواھیں مردمانی نام الیاس ء ھمید، پاروک ء ھمید ءُ پارس ءِ مھمد کریم اِنت کہ دازن ءِ جاہ منند اَنت۔ دوشی زورگریں پاکستانی لشکر ءَ چہ گس ءَ آوار جتگ ءُ بیگواہ کرتگ اَنت۔
زور بیگواھیں پاروک پاکستانی لشکر ءَ پیسر ءَ دو دند ءَ 2017 ءُ 2023 آوار جتگ ءُ الیاس ھم پاکستانی لشکر ءَ دو رند ءَ 2017 ءُ 2022 ءَ آوار جتگ ءُ بیگواہ کرتگ، چہ بازیں آزار دیگ ءَ پد یل داتگ اَنت۔
چوش کہ ابراھیم نامیں مردمے سھبی چہ تمپ ءَ پاکستانی لشکر ءَ آوار جتگ اَت۔ چہ تمپ ءَ دوشی ءُ مرچی پاکستانی لشکر ءَ چار مردم آوار جتگ ءُ بیگواہ کرتگ۔
