پسنی ءَ دو جتائیں اُرشاں پاکستانی لشکر ءِ شش کارمند کشتگ – بی ایل ایپ

بلوچستان لبریشن پرنٹ ءِ جارکش میجر گھرام بلوچ ءَ ماں رسانکدر ءَ وتی شنگ کرتگیں درشانے ءَ گوشتگ که سرمچاراں پسنی ءَ زورگریں پاکستانی لشکر ءِ کاروان ءُ دگ کارکنوکیں شرکت ءِ گاڑی دو جتائیں جاھاں نشانگ کرتگ اَنت که چه ایشی ءَ دژمن ءِ شش کارمند مرتگ ءُ دو گاڑی تباه بیتگ.

آئی ءَ گوشتگ که سرمچاراں مرچی سھب ءِ ده ءَ جوھی کلانچ ءَ پاکستانی لشکر ءِ کاروان ءَ ھواریں گاڑی یے ھما وھد ءَ گوں چیر کرتگیں شورھاں نشانگ کرتگ که آ کاروان ءِ ھمرائی ءَ روگ ءَ بیتگ. اُرش ءِ آسر ءَ زورگریں لشکر ءِ یک گاڑی یے سرجم ءَ تباه بیتگ ءُ سواریں شش کارمند سرجم ءَ مرتگ اَنت.

جارکش ءَ گوشتگ که دگه اُرشے ءَ مئے سرمچاراں دوشی ادار ھشت ءَ پسنی ءِ ھند دراوال، کلانچ ءَ دگ کار کنوکیں شرکت ءِ ٹرکے مانداشتگ ءُ تباه کرتگ.

آئی ءَ گوشتگ که مئے اُرش بلوچستان ءِ آجوئی جھد اِنت ءُ زورگریں پاکستانی لشکر ءِ بگیری ءَ گھگیری ءَ برجاه بیت. ما گوں بلوچ راج ءَ دزبندی کن اِیں که آ چه دژمن ءُ آئی ءِ پله مرزاں وت ءَ دور به دار اَنت دانکہ کسے ءَ ھچ وڑیں جانی تاوان مه بیت.

میجر گھرام ءَ دوئیں اُرشانی زمه واری من اِتگ ءُ گوشتگ که داں بلوچستان ءِ آجوئی ءَ زورگریں لشکر ءُ آئی ءِ شوربندیانی سر ءَ مئے اُرش برجاه بنت.

شونکار

شونکار

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Next Post

چہ تمپ ءَ پاکستانی لشکر ءَ دو برات ءَ ھوار دگہ سے مردم آوار جتگ

بدھ فروری 12 , 2025
کیچ: چہ تمپ ءَ زورگریں پاکستانی لشکر ءَ دو براتاں ھوار دگہ سے مردم آوار جنگ ءَ پد بیگواہ کرتگ۔ بنشون ءِ رد ءَ بیگواھیں مردمانی نام الیاس ء ھمید، پاروک ء ھمید ءُ پارس ءِ مھمد کریم اِنت کہ دازن ءِ جاہ منند اَنت۔ دوشی زورگریں پاکستانی لشکر ءَ […]

دلگوش گْوری

زْرمبش بلوچی

زْرمبش راھے پہ آجوئی

زْرمبش بلوچی ، چہ زْرمبش شکسار ءِ نیمگ ءَ بلوچی زبان ءَ گزارش ءُ ھال شنگ کنت۔ اے ھال ، نبشتانک توار بند ءُ تامرانی دْروشم ءَ شنگ کنگ بہ اَنت۔

آسان دزرس