بلوچستان لبریشن پرنٹ ءِ جارکش میجر گھرام بلوچ ءَ ماں رسانکدر ءَ وتی شنگ کرتگیں درشانے ءَ گوشتگ که مئے سرمچاراں بولان، ھاران، شال، آواران ءُ پروم ءَ نو جتائیں سوبمندیں کاروائیاں پاکستانی لشکر ءِ سر ءَ اُرش کرتگ، لیویز ءِ سلاه گپتگ اَنت، دگ بستگ ءُ ھمے میان ءَ ریاستی کارمند ناسر ء ھسین دزگیر کرتگ.
آئی ءَ گوشتگ که ریاستی کارمند ناسر ءُ آئی ءِ ھمبلانی سپر ءِ ھال ءِ سر بوگ ءَ پد سرمچاراں سبی – شال ءِ شھدگ دو جتائیں ھنداں پیر گائب ءُ بی بی نانی ءَ داں شش ادار ءَ بستگ ءُ دگ ءِ بندگ ءِ میان ءَ ریاستی کارمند ناسر دزگیر کرتگ ءُ آئی ھمبل تتکگ اَنت. ناسر ءِ بابت ءَ جست ءُ پرس برجاه اِنت ءُ آ زوت آمیدگس ءَ پیش کنگ بیت.
جارکش ءَ گوشتگ که ھمے میان ءَ سرمچاراں پیر گائب دوراھی ءَ زورگریں پاکستانی لشکر ءِ برجاھیں چوکی یے گوں راکٹ لانچر ءُ نوکیں سلاھاں نشانگ کرتگ که چه ایشی ءَ دو کارمند مرتگ ءُ باز ٹپی بیتگ.
آئی ءَ گوشتگ که دگه یک اُرشے ءَ سرمچاراں بی بی نانی ءَ زورگریں لشکر ءِ چوکی ءِ سر ءَ گوں راکٹ لانچر ءُ نوکیں سلاھاں اُرش کرتگ که اُرش ءِ آسر ءَ دو کارمند مرتگ ءُ یکے ٹپی بیتگ.
جارکش ءَ گوشتگ که دگه اُرشے ءَ سرمچاراں دوشی آواران ءِ ھند بزداد ءَ لیویز ءِ چوکی ءِ سر ءَ اُرش کرتگ ءُ آیانی سرجمیں سلاه ءُ سامان گپتگ اَنت. بلے لیویز کارمند بلوچ بوگ ءِ بنیاد ءَ ھچ وڑیں تاوان نه داتگ اَنت.
آئی ءَ گوشتگ که دوشی ھشت ءُ نیم ءَ سرمچاراں شال ءَ سبی دگ ءَ پولیس ھیلکاری زانشجاه ءِ دروازگ ءِ پھازداریں کارمندانی سر ءَ دستی بمب اُرشے کرتگ که چه ایشی ءَ دو کارمند ٹپی بیتگ.
جارکش ءَ گوشتگ که سرمچاراں ھاران ءِ شھر ءَ زورگریں پاکستانی لشکر ءِ بنجل ءِ سر ءَ باز راکٹ آس داتگ که راکٹ بنجل ءِ ته ءَ کپتگ اَنت. اُرش ءِ آسر ءَ یک کارمندے مرتگ ءُ سے ٹپی بیتگ.
آئی ءَ گوشتگ که سرمچاراں دوشی ادار ده ءَ پنجگور ءِ ھند پروم ءَ دِز لیویز چوکی ءِ سر ءَ اُرش کرتگ ءُ آیانی سرجمیں سلاه ءُ آ دگه سامان گپتگ اَنت. بلے لیویز کارمنداں ھچ وڑیں تاوان دیگ نه بیتگ.
جارکش ءَ گوشتگ که ھمے ھند ءَ دگه یک کاروائی ءَ سرمچاراں لشکر ءِ چوکی ءِ سر ءَ جتگیں سرویلنس کیمراے نشانگ کرتگ ءُ تباه کرتگ.
میجر گھرام ءَ اُرشانی زمه واری من اِتگ ءُ گوشتگ که داں بلوچستان ءِ آجوئی ءَ زورگریں لشکر ءُ آئی شوربندیاں ھوار ھما اداره یا مردم که بلوچ راجی پجار ءِ پروشگ ءُ زورگری ءِ دراجکش کنگ ءَ گوں زورگریں ریاست ءَ ھوار اَنت آیانی نشانگ کنگ ءِ کول ءَ کن ایں.
