گوادر: زورگریں پاکستانی لشکر ءُ چیریں ادارھانی کارمنداں بیڑ برتگ ءُ باز مردم آوار جتگ ءُ بیگواہ کرتگ۔
بنشون ءِ رد ءَ چہ بیگواہ کنگ بیتگیں مردماں شش مردم ءِ نام ساجد ء سوالی، پیسل سوالی، اھمد رزا ھان، سلیم رزا، نسیب سوالی ءُ مکبول اکرم اِنت کہ وارڈ نمبر شش ءِ جاہ منند اَنت۔ پاکستانی لشکر ءَ جتائیں وھداں گساں بیڑ برتگ ءُ آوار جتگ اَنت۔
انچوش گوشگ بوگ ءَ اِنت کہ پاکستانی لشکر ءَ بیڑ برگ ءِ میان ءَ گوں جنین ءُ زھگاں زوراکی کرتگ ءُ لٹ شاپ کرتگ اَنت۔ بیگواھیں مردمانی کچ باز اِنت بلے آدگہ مردم انگت ءَ پجارگ نہ بیتگ اَنت۔ مئے گیشیں جست ءُ پرس برجاہ اِنت۔
