بلوچ لبریشن آرمی (بی ایل اے) ءِ جارکش جیئند بلوچ ءَ ماں رسانکدر ءَ وتی شنگ کرتگیں درشانے ءَ ھاران ءُ نوشکے اُرشانی زمہ واری من اِتگ گوشتگ کہ بی ایل اے ءِ سرمچاراں ھاران ءُ نوشکے ءَ زورگریں پاکستانی لشکر جتائیں اُرشاں نشانگ کرتگ۔ چہ ایشی ءَ پاکستانی لشکر ءِ پانزہ کارمند مرتگ ءُ باز ٹپی بوتگ۔ گوں دژمنیں لشکر ءَ میڑ ءَ ھمبل سرمچار نکیب جمالدینی شھید بوتگ۔
آئی گوشتگ کہ بی ایل اے ءِ سرمچاراں دوشی ھاران ءِ ھند روتینکو ءَ زورگریں پاکستانی لشکر ءِ یک بنجلے ءِ سر ءَ اُرش کرتگ۔ سرمچاراں گوں ٹوھین ءُ وتکاریں سلاھاں ھوار گرنیڈ لانچر ءِ گولا آس داتگ ءُ دژمن ءِ سر ءَ اُرش کرتگ۔ اُرش ءَ پاکستانی لشکر ءِ دو کارمند جاھی مرتگ ءُ کم چہ کم سَے کارمند ٹپی بوتگ۔
آئی گوشتگ کہ بی ایل اے ءِ سرمچار ھمبل نکیب جمالدینی پنام ماران نوشکے ءَ گوں پاکستانی لشکر ءَ یک مزنیں جنگے داتگ، میڑ ءَ دژمن ءِ باز کارمند کشتگ ءُ شھید بوگ ءَ سوبین بوتگ۔
آئی گوشتگ کہ ھپت پروری ءِ شپ ءَ نوشکے ءِ ھند زور آباد ھزینگ ءَ پاکستانی لشکر ءَ دمگ انگر کرتگ ءُ سرمچار نکیب جمالدینی ءِ دزگیر کنگ ءِ جھد کرتگ بلے سنگت نکیب ءَ وتی دست ءَ دیگ جاہ ءَ گوں پاکستانی لشکر ءَ جنگ داتگ۔
آئی گوشتگ کہ گوں دژمن ءَ میڑ ءِ میان ءَ سنگت نکیب ٹپی بوتگ۔ بلے آئی انگت ءَ گوں ٹپی ئیں جاوراں دژمن ءَ یک ادارے ءَ گیش جنگ داتگ۔ ھمے میان ءَ دژمن ءِ سیزدہ کارمند مرتگ ءُ چار ٹپی بوتگ۔ تیرانی ھلاس بوگ ءَ سنگت نکیب دژمن ءِ دست ءَ دزگیر بوگ ءِ جاہ ءَ گڈی تیر ءِ پلسپہ ءِ سر ءَ کار کرتگ ءُ وتی گڈی تیر ءَ وتی جند ءِ دست ءَ شھیدی گچین کرتگ۔
آئی گوشتگ کہ شھید سنگت نکیب جمالدینی پنام ماران ء ھمید اللہ جمالدینی نوشکے ءِ ھند کلی جمالدینی ءِ جاہ منند اِنت۔ آ گوستگیں ھشت ماہ انت کہ بلوچ لبریشن آرمی ءَ گوں بندوک بوتگ شھری چیرجنگی ءُ راجی ایردستی ءِ بگیری ءَ وتی کرد ءَ پیلو کنگ ءَ بوتگ۔
آئی گوشتگ کہ شھید نکیب جمالدینی یک مزنیں وھدے ءَ نوشکے شھر ءُ کش ءُ گوراں دژمنیں لشکر ءِ سر ءَ اُرش کرتگ ءُ گل ءِ زمہ واری شریں رنگے ءَ پیلو کرتگ اَنت۔ آ پہ بھادری ءَ وتی مٹ وت اَت۔ آ لیکھی بنیاد ءَ یک مھکمیں ھمبلے بوتگ۔
جارکش ءَ گوشتگ کہ بی ایل اے شھید سنگت نکیب ءَ آئی گرانگدریں دیمونی ءِ سر ءَ ستک شانی نَدْر کنت ءُ ھمے کول ءَ کنت زوت یا دیر ءَ شھیدانی اے گرانبھائیں کاروان ءَ منزل ءَ سر کنت۔
