تربت: بلوچ یکجھتی کمیٹی کیچ ھنکین ءَ زوربیگواھی ءُ درکانودی کوش ءِ بگیری ءَ زھرشانی گدانے جتگ۔
بنشون ءِ رد ءَ بلوچ یکجھتی کمیٹی ءَ بنجاھی جار ءِ پد ءَ تربت ءَ شھید پدا چاراہ ءَ سَے روچی زھرشانی گدانے جتگ کہ اے گدان ءَ بلوچ یکجھتی کمیٹی ءِ سروک سبگت اللہ شاہ جی ساڑی بیتگ ءُ زوربیگواھیں مردمانی کھولاں بھر زرتگ ءُ نشتگ اَنت۔
گوستگیں روچ ءَ بلوچ یکجہتی کمیٹی ءِ سروک سبگت اللہ شاہ جی ءُ آدگہ کارکناں ماں پریس کانپریسے ءَ گوشتگ اَت کہ سے روچی زھرشانی گدانے جنگ ءُ رسانکدر ءَ کمپین ھم برجاہ دارگ بیت۔ زھرشانی گدان ءَ زوربیگواھیں مردمانی کھول، بلوچ یکجھتی کمیٹی ءِ کارکن ءُ آدگہ مردم ھوار اَنت
بی وائی سی ءِ رد ءَ گدان ءِ مول سرجمیں بلوچستان ءَ سْیاسی کارکنانی درکانودی کوش ءُ زوربیگواھیاں جھان ءِ دیم ءَ پدّر کنگ اِنت۔ گدان داں دگہ دو روچ ءَ انگت ءَ برجم دارگ بیت۔
