بلوچستان لبریشن پرنٹ (بی ایل ایپ) ءِ جارکش میجرمیجر گھرام ءَ ماں رسانکدر ءَ وتی شنگ کرتگیں درشانے ءَ گوشتگ کہ ھزدار ءِ ھند گریشگ جاورجی ءَ سرمچاراں زی مگرب ءَ دگ کار کنوکیں شرکت ءِ سر ءَ اُرش کرتگ ءُ درسیں مشین ءُ سامان مانداشتگ اَنت۔
آئی گوشتگ کہ اود ءَ ساڑی ئیں مزدور چہ آدگہ راجانی مردم بوتگ اَنت کہ آ کڈن کرتگ ءُ یل داتگ اَنت۔
آئی گوشتگ کہ اے دگ کارکنوکیں شرکت چائنا پاکستان اکنامک کوریڈور (سی پیک) دگ ءِ کار ءَ بوتگ۔ چہ ایشی ءَ پیش ھم اے شرکت ءِ مردم کڈن کنگ بیتگ اَنت ءُ مرچی یکبرے پد ءَ آیاں کڈن کن ایں کہ آ چہ ریاستی شوربندیاں وت ءَ دور بدار اَنت۔ اگاں ناں وتی جان ءُ مال ءِ تاوان ءِ زمہ وار وت بہ اَنت۔
جارکش ءَ اُرش ءِ زمہ واری من اِتگ ءُ گوشتگ کہ داں بلوچستان ءِ آجوئی ءَ زورگریں لشکر ءُ آئی ھمراہ ءُ لٹ ءُ پلی شوربندیاں نشانگ کن ایں
