بلوچ یکجھتی کمیٹی ءِ سروک ڈاکٹر ماہ رنگ ءَ ماں چاگردی رسانکدر ایکس ءَ نبشتہ کرتگ کہ ریاستی کشندہ ٹولی ءِ کارمنداں دوشی ھزادارءَ یک بلوچ جنینے، آسمہ بلوچ چہ گس ءَ آوار جتگ۔ آسمہ ءِ کھول ھزدار ءَ دو جاہ ءَ زھرشانی ءَ نشتگ ، اود ءَ آئی مات ءَ کرآن گوں اِنت ءُ نشتگ۔
آئی ءَ گوشتگ کہ ریاست ءِ داشتگیں کشندہ ٹولی ءَ بلوچستان ءَ شھریانی زندگی جنجال کرتگ۔ لشکر ءُ چیریں ادارھانی سروکی ءَ اے ناشرکار گساں بیڑ برگ ءُ شھریانی چادر ءُ چاردیوالیاں لگمتال کنگ ءَ اَنت۔
ڈاکٹر ماہ رنگ ءَ گوں ھزدار ءِ مردماں لوٹ کرتگ ءُ گوشتگ کہ اے زوراکی ءِ بگیری ءَ توار چست بہ کن اَنت ءُ آسمہ ءِ کھول ءِ زھرشانی نندانک ءَ بھر بزور اَنت ءُ کمک بہ کن اَنت۔
