بلوچ نیشنل موومنٹ ءِ سرکماش ڈاکٹر نسیم بلوچ ءَ ماں چاگردی رسانکدر ایکس ءَ نبشتگ کہ تربت ءَ بلوچ نودربر اللہ داد بلوچ ءِ کوش پاکستانی لشکر ءِ زوراکیانی یک پدریں منانکے۔ اللہ داد بلوچ یک نودربر ءُ اوستے بیتگ کہ پاکستانی لشکر ءِ زوراکیانی آماچ بیتگ۔
آئی ءَ گوں میان استمان ءَ لوٹ کرتگ ءُ گوشتگ کہ آ ریاستی زوراکیانی بگیری ءَ مئے کمک ءَ بہ کن اَنت ءُ مئے آجوئی جھد ءِ پلہ مرزی ءَ بہ کن اَنت، پمشکا کہ آجوئی پاکستان ءِ زوراکی ءِ شونداتانی ھلاس کنگ ءِ گھتریں راہ اِنت۔
