بلوچ یکجھتی کمیٹی ءِ جارکش ءَ گوشتگ کہ دوشی گمشاد ھوٹل، تربت ءَ بلوچ نودربر اللہ داد بلوچ چیریں ادارھانی کارمنداں تیرگواری کرتگ ءُ شھید کرتگ۔ اللہ داد ءِ وڑیں وانوک ءُ نبشتہ کنوکیں ورنا ءِ کوش بلوچ چاگرد ءِ تہ ءَ باسمائیں سسایانی کوش اِنت۔ ریاستی ادارہ یک مھکمیں شوربندی یے ءِ رد ءَ آیاں نشانگ کنگ ءَ اَنت۔
آئی ءَ گوشتگ کہ تربت ءَ ھوار سرجمیں مکران ءَ لھتیں ماھانی میان ءَ باز مردم درکانودی کشگ بیتگ کہ آیانی تہ ءَ زور بیگواھیں مردم ھم ھوار اَنت۔ درکانودی کوش بلوچ چکچینی شوندات ءِ بھر اِنت کہ ایشی بلوچاں پجارگ ءُ گوں جتائیں ھیلھاں نشانگ کنگ ءَ اَنت۔ اے ویل تیز کنگ بیتگ کہ سکا بژنی کارے ءُ بلوچستان ءَ ریاستی زوراکیانی منانک اِنت۔
آئی ءَ گوشتگ کہ مامکران ءَ ھوار سرجمیں بلوچستان ءِانوگیں درکانودی کوشانی بگیری ءَ تربت ءَ پریس کانپریس کن این ءُ وتی آھوکیں گامگیج ءِ جار ءَ جن ایں۔
