امریکہ: واشنگٹن ڈی سی ءَ وائٹ ھاؤس ءِ دیم ءَ بلوچستان ءَ پاکستانی لشکر ءِ دست ءَ زوریں بیگواھی ءُ دروگیں میڑاں زور بیگواھیں مردمانی ناھکیں کوش ءِ بگیری ءَ زھرشانی کنگ بوتگ۔
زھرشانی کنوکیں مردماں زور بیگواھیں مردم سیاسی کارکنانی اکس گوں بوتگ اَنت ءُ آیانی آجوئی ءِ لوٹ اش کرتگ۔
زھرشانی ءَ بلوچانی ھواری ءَ پشتون، ھزارہ، سندی، پنجاپی کارکن ءُ جنیناں بازیں کچے ءَ بھر زرتگ ءُ پاکستان ءِ زوراکیانی بند کنگ ءِ لوٹ کرتگ۔
آیاں بائیڈن واکدار زور داتگ ءُ گوشتگ کہ آ پاکستان ءَ پہ بلوچ چکچینی کنگ ءَ وتی سلاہ دیگ ءِ کمک ءَ بہ کن۔ امریکہ وتسر ءَ بلوچ چکچینی ءَ ھوار اِنت۔
آیاں گوشتگ کہ پاکستان بلوچستان ءِ تہ ءَ چکچینی کنگ ءَ اِنت، شرپمندیں جھان پہ پاکستان ءِ اے رستری زوراکیانی دارگ ءَ وتی کرد ءَ پیلو بہ کنت۔
آیاں گوشتگ کہ پاکستانی لشکر بلوچ سیاسی کارکنانی زوریں بیگواھی ءَ ابید جنین ءُ زھگاں زوراکیانی نشانگ کنگ ءَ اِنت ءُ پر ایمنیں زھرشانی کنوکیں مردمانی بگیری ءَ زور کارمرز کنگ ءَ اِنت۔
