بلوچ لبریشن آرمی ءِ جارکش جیئند بلوچ ءَ ماں رسانکدر وتی شنگ کرتگیں درشانے ءَ گوشتگ کہ بی ایل اے ءِ سرمچاراں نوشکے ءُ تربت ءَ دو جتائیں اُرشاں زورگریں پاکستانی لشکر ءُ کشندہ ٹولی ءِ یک کارمندے نشانگ کرتگ۔
جارکش ءَ گوشتگ کہ بی ایل اے ءِ سرمچاراں دوشی نوشکے ءِ ھند ھژدہ کول ءَ زورگریں پاکستانی لشکر ءِ مزنیں بنجل چہ دو نیمگ ءَ یکیں وھد ءَ نشانگ کرتگ ۔
آئی ءَ گوشتگ کہ سرمچاراں گوں راکٹ ءُ گرنیڈ لانچراں دژمن ءِ سنگر نشانگ کرتگ اَنت۔ اُرش داں نیم اَدار ءَ گیش برجاہ بیتگ کہ چہ ایشی ءَ پاکستانی لشکر ءِ سے کارمند مرتگ ءُ کم چہ کم چار ٹپی بیتگ۔
جارکش ءَ گوشتگ کہ ھمے وڑ ءَ دوشی مئے سرمچاراں تربت ءِ ھند بھمن ءَ زورگریں پاکستانی لشکر ءُ چیریں ادارھانی جوڑ کرتگیں کشندہ ٹولی ءِ کارمند ریاز ء نیاز اھمد جھمنند میری ، تربت تیرگواری کرتگ ءُ کشتگ۔ آئی ءِ سلاہ ھم گپتگ ءُ گوں وت برتگ ۔
آئی ءَ گوشتگ کہ کشگ بیتگیں ریاز گوں کامران اُمر ءِ سلاہ بندیں ٹولی ءَ بندوک بیتگ۔ آ بی ایل اے سرمچاراں پاری دسمبر ءَ کشتگ۔ اے ٹولی میری ءِ کِر ءُ کشاں گسانی سر ءَ بیڑ برگ ءُ چادرءُ چاردیوالیانی لگتمال کنگ، ورنایانی زوریں بیگواھی ءَ پاکستانی لشکر ءِ گون ءَ تچک ءَ ھمراہ بیتگ۔
جارکش ءَ گوشتگ کہ چریک ریاز گسانی سر ءَ بیڑ برگ ءُ مردمانی زوریں بیگواھی ءَ پاکستانی لشکر ءِ کمک بیتگ۔ آئی ءَ چہ زورگریں لشکر ءِ پرمان ءَ ھمے ھند ءَ دگ بستگ ءُ گاڑیانی سر ءَ ترّ ءُ گرد کرتگ۔ چہ ھمے کارانی سوب ءَ پاکستانی لشکر ءَ آئی ءَ منشیات ءِ بھا کنگ ، دُزی ءُ لٹ ءُ پل ءِ موکل داتگ۔
