بلوچستان لبریشن پرنٹ ءِ جارکش میجر گھرام ءَ ماں رسانکدر ءَ وتی شنگ کرتگیں درشانے ءَ گوشتگ کہ سرمچاراں بیست ءُ شش جنوری یک شمبے ءِ بیگاہ ءِ پنچ ءَ تربت ایم ھشت شھدگ جوسک ءَبستگ ءُ چہ گوادر ءُ تربت ءَ شال ءَ روگ ءَ بیتگیں گاڑی داشتگ اَنت ءُ پٹ ءُ پول کنگ ءِ میان ءَ سرکاری سلاہ بندیں پھازدار دزگیر کرتگ ءُ سلاہ برتگ۔
جارکش ءَ گوشتگ کہ سرمچاراں ایم ھشت شھدگ ءَ پٹ ءُ پول کنگ ءِ میان ءَ چہ گوادر ءَ تربت ءَ روگ ءَ بیتگیں بس ءَ پاکستانی چیریں ادارہ ملٹری انٹلیجنس ءِ یک کارمندے مھمد شریپ ء نور مھمد چہ بس ءَ ایر کرتگ ءُ تیرگواری کرتگ ءُ کشتگ۔ اے مردم چہ سرکاری کاگد ءُ کارڈ ءَ پجارگ بیتگ۔
آئیءَ گوشتگ کہ چہ گوادر ءُ تربت دیم ہ شال ءَ ٹوھیں شھدگے کہ سرمچاراں داں اداراں بند کرتگ ءُ پٹ ءُ پول کُرتگ ءُ چیریں ادارہ ءِ کارمند کشتگ۔ میجر گھرام ءَ گوشتگ کہ بی ایل ایپ پٹ ءُ پول ءِ میان ءَ چیریں ادارہ ءِ کارمند ءِ کوش ءُ پھازداریں شرکت ءِ پھازدار ءِ سلاہ ءِ برگ ءِ زمہ واری ءَ من ایت ءُ ھمے کول ءَ کنت کہ بلوچستان بلوچانی سرڈگار اِنت ءُبلوچ سرڈگار ءِ پسگ داں بلوچستان ءِ آجوئی ءَ وتی مول ءَ سوبین بوگ ءَ ھرچ وڑیں دیمونی دیگ
