بلوچ لبریشن آرمی ءَ ھزدار ءَ پاکستانی لشکر ءِ بس ءِ سر ءَ بیتگیں بمب ارش ءِ تامر چہ وتی رسانکدری تندجاہ ھکل ءَ شنگ کرتگ۔
بی ایل اے ءِ نیمگ ءَ گوستگیں روچ ءَ ھزدار شھر ءَ شست کلو میٹر دور کوڑی ءَ پاکستانی لشکر ءِ کارمندانی راولپنڈی ءَ بروکیں بس گوں تراکناکیں شورھاں باریں گاڑیءَ نشانگ کنگ بیتگ اَت چہ تراک ءِ آسر ءَ بس سرجم ءَ تباہ ءُ مزنیں کچے ءَ پاکستانی لشکر ءِ کارمند مرتگ اَت۔
اے ارش ءِ بابت ءَبلوچ لبریشن آرمی ءِ جارکش جیھند ءَ وتی درشانے ءَ گْوشتگ اَت کہ سرمچاراں یک اھوتی ھالے ءِ بنیاد ءَ ھزدار ءَ زورگریں پاکستانی ءِ کارمند گوں تراکناکیں شورھاں نشانگ کُرتگ اَنت۔ کہ کم چہ کم دژمن ءِ یازدہ کارمند مُرتگ ءُ بیست ءِ ھشت ٹپی بیتگ۔
جارکش ءَ گْوشتگ کہ بلوچ لبریشن آرمی ءِ اسپیشل ٹیکٹیکل آپریشنز اسکواڈ (ایس ٹی او ایس) ءِ بی ایل اے انٹیلی جنس ونگ “زراب” ءِ اھوتی ھالے ءِ بنیاد ءَ چہ ھزدار شھر ءَ 60 کلومیٹر دور کوڑی ءَ زورگریں پاکستانی لشکر ءِ کارمنداں برگ ءَ بیتگیں بس گوں تراکناکیں شورھاں نشانگ کُرتگ، اُرش ءِ آسر ءَ بس سرجم ءَ تباہ بیتگ ءُ بس ءَ سوار بیتگیں یازدہ کارمند مُرتگ ءُ بیست ءُ ھشت ٹپی بیتگ،مُرتگیں کارمند زورگریں پاکستانی لشکر ءِ چیریں ادارہ ءُ ایپ سی ءِ کارمند بیتگ اَنت۔
