شال: پہ زور بیگواھیں مردمانی پد جنگ ءَ وی بی ایم پی ءِ شدکشیں زھرشانی گدان ءَ 5709 روچ سرجم بیتگ کہ شال پریس کلب ءِ دیم ءَ برجاہ اِنت۔ آدینگ ءِ روچ ءَ چہ سوراب ءَ سیاسی ُ چاگردی کارکن مھمد آدل بلوچ، اُبیدا للہ بلوچ ، مھمد یاسین بلوچ ءُ آدگہ مردم پہ ھمدردی درشان کنگ ءَ گدان ءَ اتکگ اَنت۔
وی بی ایم پی ءِ کمک سرکماش ماما کدیر گوں مردماں تران کرتگءُ گوشتگ کہ گوں میان استمانی ادارہ ءُ گوں شرپمندیں جھان ءَ ھمے اوست اِنت کہ ھروچ بلوچانی زوریں بیگواھی ءُ ژانگولیں لاشانی دزکپگ ءُ مچی مانشاں گندگ ءَ اَنت گر ءُ دار کنگ ءِ جھد ءَ بہ کن اَنت۔
آئی ءَ گوشتگ کہ کھول پہ وتی آزیزانی لاشانی چست کنگ ءَ سکا رنجیگ بنت، ریاست بلوچ راج ءِ پھریزوک نہ اِنت بلکیں مڈیانی لٹ ءُ پل کنوک اِنت۔ چہ بلوچانی زوریں بیگواھی ءُ چکچینی کنگ ءَ بلوچستان ءَ دری آبادکارانی گیش کنگ ءِ گمان اِنت۔ ماما کدیرگوشتگ کہ بلوچستان ءَ اے وڑیں بازیں مچی مانش گندگ بیتگ اَنت ءُ انگت ءَ ھم اے وڑیں مانش ھست کہ آھوکیں روچاں بلوچاں
