بلوچستان لبریشن پرنٹ ءِ جارکش میجر گھرام ءَ ماں رسانکدر ءَ وتی شنگ کرتگیں درشانے ءَ گوشتگ کہ سرمچاراں بیست ءُ چار جنوری آدینگ ءِ روچ ءَ زورگریں پاکستانی لشکر ءِ بنجل ءِ سر ءَ ارش کرتگ ءُ لشکر ءَ جانیءُ مالی تاوان بیتگ۔
جارکش ءَ گوشتگ کہ تربت ءَ برجاھیں مزنیں بنجل ( ازگر گیٹ ) ءَ مرچی دوازدہ ءُ پنجاہ ءَ سرمچاراں اے ون ءِ شش گولا آس داتگ کہ نشانگ ءَ کپتگ اَنت، چہ ایشی ءَ زورگریں لشکری کارمنداں جانی ءُ مالی تاوان بیتگ۔
آئی ءَ گوشتگ کہ ارش ءَ پد سرمچار چہ گھتریں جنگی کارشونیانی پارست ءَ وتی مھکمیں بندر ءَ سر بیتگ اَنت، زورگریں پاکستانی لشکری کارمند ترس آماچ بیتگ اَنت ءُ تیرگواری اش کرتگ ءُ جتائیں جاھاں دگ بستگ ءُ گوں مردماں زوراکی کرتگ۔
جارکش ءَ گوشتگ کہ سرمچارانی سوبمندیں ارش سرجمیں بلوچستان ءَ برجاہ اَنت کہ اے آیانی گوں سرڈگار ءَ ھمگرنچی ءُ مھر ءِ درشان اِنت ءُ پہ زورگر ءَ چہ بلوچستان ءَ درکپگ ءَ ابید دگہ ھچ راہ پشت نہ کپتگ۔
میجر گھرام ءَ ارش ءِ زمہ واری من اتگءُ گوشتگ کہ داں بلوچستان ءِ آجوئی ءَ زورگر ءَ نشانگ کن ایں۔
