بلوچ نیشنل موومنٹ ءِ سرکماش ڈاکٹر نسیم بلوچ ءَ ماں چاگردی رسانکدر ایکس ءَ دالبندین ءَ سرکار ءِ نیمگ ءَ پہ راجی مچی ءِ دارگ ءَ دامگ ءِ بند کنگ ءِ پژدر ءَ نبشتگ کہ دالبندین ءَ دامگ بند اِنت ءُ زوراکی ءِ گمان اِنت۔ پاکستانی سرکار ءَ بلوچستان ءِ ھند دالبندین ءَ دامگ بند کرتگ اے پہ بلوچ راجءِ توار ءِدارگ ءَیک پندلے، پاکستان مئے ورنایاں کشگ، زور بیگواہ کنگ ءَ اِنت۔ آیاں درکانودی ءُ بے ارزی ءَ زوربندیگجاھاں بند کنگ ءَ اِنت۔
آئی ءَ گوشتگ کہ چہ ایشی ءَ ابید مئے یکجاہ بوگ پرس دارگ ءُ گریوگ ءِ بنیادی ھک پلگ بیتگ۔ مارا پرایمنیں وڑے ءَ یکجاہ بوگ ءُ وتی درد ءُ رنجانی درشان کنگ ءِ ھک نیست۔
ڈاکٹرنسیم ءَ گوشتگ کہ دالبندین ءَ مزنیں کچے ءَ لشکری کارمند اتکگ اَنت ءُ پہ بلوچ یکجھتی کمییٹی ءِ چیردستیءَ بیوکیں مچی ءِ سر ءَ یک ھونیگیں ارشے ءِ گمان اِنت۔ چہ ایشی ءَ 28 جولائی ءَ گوادر ءِ وڑیں وئیلے ءِ گمان اِنت کہ مچی ءِ میان ءَ چار بلوچ شھید کنگ بیتگ اَت۔
بی این ایم ءِ سرکماش ءَ گوشتگ کہ ما میان استمان ءَ زور دے ایں کہ آ بلوچانی بگیری ءَ پہ زوراکیانی دارگ ءُپرایمنیں زھرشانی ءِ میان ءَپہ آیانی پھریزگ ءَ زوت دلگوش ءَ گور بہ کنت۔
