شال: پہ زور بیگواھیں مردمانی پد جنگ ءَ وی بی ایم پی ءِ شدکشیں زھرشانی گدان ءَشال پریس کلب ءِ دیم ءَ 5708 سرجم بیتگ۔ پنچ شمبے ءِ روچ ءَ بی ایس او ءِ پیشیگیں سرکماش زبیر بلوچ، بابل بلوچ ءُ آدگہ مردم پہ ھمدردی درشان کنگ ءَ گدان ءَ اتکگ اَنت۔
وی بی ایم پی ءِ کمک سرکماش ماما کدیر گوں مردماں تران کرتگ ءُ گوشتگ کہ پہ پر ایمنیں سیاسی جھد ءِ دارگ ءَ ریاست زوراکی کنگ ءَ اِنت۔ ھزارانی کچ ءَ مردم کشگ ءُ ژانگولیں لاش چگل دیگ بیتگ اَنت۔ تیوک ءَ بلوچ نہ بلکیں مرچی پشتون ءُ سندی ھم زوریں بیگواھی ءِ آماچ اَنت ءُ چہ بنیادی ھکاں زبھر اَنت۔
آئی ءَ گوشتگ کہ اے جھدءِمیان ءَ راج ءِ دیم ءَ شر ءُ گندگ ءِ پرک تچک بیتگ، ھرکسی کرد راج ءِدیم ءَ پدر اِنت۔ وی بی ایم پی ءِ اے دراجکشیں جھد ءَلھتیں مردم گسر بیتگ ءُ بے توار اَنت۔ ھما مردم کہ ھمراہ اَنت آیانی ارادہ مھکم اِنت۔ گل چہ مھکم پگریں کارکنانی سوب ءَ مرچی ھم مھکم اِنت ءُ پہ زور بیگواھیں مردمانی آجوئی ءَ وتی کرد ءَ پیلو کنگ ءَ اِنت۔
