بلوچ لبریشن آرمی ءِ جارکش جیئند بلوچ ءَ ماں رسانکدر ءَ وتی شنگ کرتگیں درشانے ءَ نوشکے ءُ دکی ءِ اُرشانی زمہ واری منّ اِتگ ءُ گوشتگ که نوشکے ءُ دکی ءَ سے جتائیں اُرشاں پاکستانی لشکر ءُ مادن بروکیں گاڑی نشانگ کرتگ اَنت که چه ایشی ءَ پنچ کارمند مرتگ ءُ شش گاڑی تاوان داتگ اَنت.
جارکش ءَ گوشتگ که بی ایل اے ءِ سرمچاراں مرچی نیمروچ ءَ نوشکے شھر ءِ نزیک ءَ گریب آباد ءِ بائی پاس ءَ سنگر گپتگ ءُ زورگریں پاکستانی لشکر ءِ کاروان ءَ ھواریں سے گاڑیانی سر ءَ اُرش کرتگ که یک گاڑی یے تچکی ءَ نشانگ کنگ بیتگ.
آئی ءَ گوشتگ که که بی ایل اے ءِ سرمچاراں گوں گرنیڈ لانچر ءُ وتکاریں سلاھاں دژمن ءِ سر ءَ اُرش کرتگ که چه ایشی ءَ یک کارمدے جاھی مرتگ ءُ کم چه کم سے کارمند ٹپی بیتگ.
جارکش ءَ گوشتگ که بی ایل اے ءِ سرمچاراں دوشی ھم نوشکے ءَ زورآباد ءِ نزیک ءَ شھدگ ءَ بلوچ راج ءِ مڈیانی لُٹ ءُ پل ءَ کنوکیں پنچ گاڑی نشانگ کرتگ. سرمچاراں سے گاڑی مانداشتگ ءُ دگه دو گاڑی تیر جتگ ءُ تاوان داتگ.
آئی ءَ گوشتگ که ھمے وڑ ءَ دوشی بی ایل اے ءِ سرمچاراں دکی ءَ سنگر گپتگ ءُ زورگریں پاکستانی لشکر ءِ کاروان نشانگ کرتگ۔ جارکش ءَ گوشتگ کہ سرمچاراں دوازدہ گاڑیانی کاروان گوں مزنین ءُ وتکاریں سلاھاں نشانگ کرتگ که چه ایشی ءَ کم چه کم چار کارمند م
