شال: پہ زور بیگواھیں مردمانی پد جنگ ءَ وی بی ایم پی ءِ شدکشیں زھرشانی گدان ءَ 5707 روچ سرجم بیتگ۔ چارشمبےءِ روچ ءَ چہ سبی ءَ سیاسی ءُ چاگردی کارکن ابدُلگنی سیلانی، امران بلوچ، دھنی بکش سومرو ءُ آدگہ مردم پہ ھمدردری درشان کنگ ءَگدان ءَ اتکگ اَنت۔
وی بی ایم پی ءِ کمک سرکماش ماما کدیر گوں مردماں تران کرتگ ءُ چہ گوادر ءَ کتاب اسٹال ءِ سر ءَ نودربرانی دزگیری ایر جتگ ءُ بژن درشان کرتگ۔
آئی ءَ گوشتگ کہ یک انچیں کمک دمگدارے اِنت کہ زیازت ءَ چہ کتابجاہ ءِ جوڑ کنگ ءَ زانگ بیتگ بلے گوادر ءَ چار نودربر پہ کتاب اسٹال جنگ ءِ نیمون ءَ دزگیر کنت۔ آیانی زندانی کنت ءُ دروگیں ایپ آئی آر نبیس ایت ءُ میارباری ءِ بھتام ءَ جنت ءُ آمیدگس ءَ پیش کنت۔ اے گپ ءِ سر ءَ بژن بیت ءُ من ایشی ءَگوں ترندیں دا نکاں ایر جن آں کہ اے پہ گوادر انتزامیہ ءَ شرم ءِ گپےآئی ءَ زھگان ءَ ناھک ءَ سانکل دست ءَ مہ داتیں۔
ماما کدیر گوشتگ کہ کتابءِ وانگ یا بھا کنگ نہ ناشرکاری یے ءُ نہ میارباری یے، اے بابت ءَ دزگیری انسانی ھکانی تچکی ءَ بگیری اِنت۔
