گوادر: گوستگیں روچ ءَ بلوچ اسٹوڈنٹس ایکشن کمیٹی ءِ نیمگ ءَ ڈھوریہ وانگجاہ ءِ دیم ءَ چہ برجم داشتگیں کتاب اسٹال ءَ دزگیر بیتگیں چاریں نودربر پولیس ءَ ایپ آئی آر کرتگ اَنت۔
چوش کہ گوستگیں روچ ءَ کتاب اسٹال ءِ سر ءَ پولیس ءَ بیڑ برتگ ءُ نودربر گوں کتاباں زندانی کرتگ اَنت ءُ گوشتگ کہ جست ءُ پرس ءَ پد یل کنگ بنت بلے مرچی آ ایپ آئی آر بیتگ اَنت۔
نودربرانی دزگیری ءُ آیانی سر ءَ وتگڑیں ایپ آئی آر ءِ بگیری ءَ گْوادر زانشتجاہ ءِ نودربراں زھرشانی کرتگ۔
زھرشانی کنوکیں نودربراں پلے کارڈ دستاں بیتگ کہ آیاں نودربرانی آجوئی ءِ لوٹ کرتگ۔
