بلوچستان لبریشن پرنٹ ءِ جارکش میجر گھرام ءَ وتی درشانے ءَ گْوشتگ کہ سرمچاراں دشت ءُ تمپ ءَ زورگریں پاکستانی لشکر ءِ سر ءَ اُرش کُرتگ ءُ جانی ءُ مالی تاوان داتگ۔
آئی ءَ گْوشتگ کہ سرمچاراں بیست جنوری ءِ بیگاہ ءِ ھپت ءُ بیست ءَ کیچ ءِ ھند دشت بلنگور ءَ زورگریں لشکر ءِ بنجل گوں وتکار ءُ ٹوھیں سلاھاں نشانگ کُرتگ، چہ ایشی ءَ دژمن ءِ یک کارمندے جاھی مُرتگ ءُ دو ٹپی بیتگ۔
جارکش ءَ گْوشتگ کہ سرمچاراں بنجل ءِ سنگر چہ نزیک ءَ ھما وھد ءَ نشانگ کُرتگ وھدے پنچ کارمند سنگر ءِ تہ ءَ بیتگ، اُرش ءَ پد پروش وارتگیں لشکر ءِ کارمنداں داں دیر ءَ لس آبادی ءِ سر ءَ تیرگْواری کُرتگ۔
آئی ءَ گْوشتگ کہ دگہ یک اُرشے ءَ سرمچاراں بیست جنورری ءِ شپ ءِ ھشت ءَ پُل آباد تمپ ءَ کسانو ءَ برجاھیں زورگریں لشکر ءِ چوکی گوں نوک ءُ وتکاریں سلاھاں نشانگ کُرتگ کہ چہ ایشی ءَ دُژمنیں لشکر ءَ جانی ءُ مالی تاوان بیتگ۔
میجر گھرام ءَ اُرشانی زمہ واری منّ اِتگ ءُ گْوشتگ کہ داں سرڈگار ءِ آجوئی ءَ مئے اُرش برجاہ بنت۔
